Listen Live

चितवनमा एकै महिनामा २८ दुर्घटना, ९ जनाको ज्यान गयो
Posted On: May 15, 2018

चितवनमा एकै महिनामा २८ दुर्घटना, ९ जनाको ज्यान गयो

चितवन, जेठ १ । चितवनमा एकै महिनामा २८ दुर्घटनामा परी ९ जनाले ज्यान गुमाएको छ ।२०७५ वैशाख महिनामा जिल्लामा भएका साना तथा ठूला २८ वटा दुर्घटनामा परी ९ जनाले ज्यान गुमाएका छन् ।

जिल्ला ट्राफिक कार्यालय चितवनले दिएको जानकारी अनुुसार ती दुर्घटनामा ७४ जना घाईते भएका छन् ।यो गत वर्षको वैशाखमा भन्दा मृत्यु हुनेको संख्यामा कमी आएको छ भने दुर्घटना संख्या बढेको देखिन्छ ।गत वर्ष २०७४ को वैशाख महिनामा २३ वटा मात्रै दुर्घटना भएका थिए भने सो दुर्घटनामा परी १३ जनाले ज्यान गुमाएका थिए ।

यस्तै दुर्घटनामा ४८ जना मात्रै घाईते भएका थिए । चालु आर्थिक वर्ष २०७४÷७५ को वैशाख सम्ममा २ सय २३ सवारी दुर्घटनामा परेका छन् । ती दुर्घटनामा परी १०६ जनाको मृत्यु भएको छ भने ४४५ जना घाईते भएका छन् ।

यस्तै ट्राफिक प्रहरीले वैशाख महिनामा मापसेका ७८ र ४ हजार ५ सय ५० वटा अन्य सवारीलाई कारवाही गर्दै ३२ लाख ८७ हजार रुपैयाँ राजश्व संकलन गरेको छ ।

गत वर्षको वैशाखमा भने मापसेका ९० र अन्य ३ हजार ५ सय सवारीलाई कारवाही गर्दै २४ लाख ८६ हजार ५ सय रुपैयाँ राजश्व संकलन गरेको थियो ।

ट्राफिक प्रहरीले चालु आर्थिक वर्ष २०७४÷७५ को वैशाख सम्ममा मापसे र अन्य सवारीलाई कारवाही गर्दै दुई करोड ५७ लाख ३८ हजार रुपैयाँ राजश्व संकलन गरि सकेको छ ।

Comments
On Air
साझा खबर
Time: 06:00
Up Next
राष्ट्रिय गितहरु
Time: 06:30